Realak Mutrikuko erdilariaren fitxaketa ofizial egin du eta Asier Illarramendi Donostiara itzuli da. Jokalariak goizean gainditu du Policlinica Gipuzkoan egindako azterketa medikua eta, ondoren, kontratua sinatu du Anoetako bulegoetan. Sei denboraldirako sinatu du.

Illarraren aurkezpen ofiziala gaur Anoetan izango da, 19etan. Jokalaria zelaira aterako da zaleak agurtzeko eta ondoren, hedabideekin egongo da Anoetako prentsa aretoan. 18:30ean 2 eta 27 ateak irekiko dira.