Goizeko 10.30ean ireki ditu ateak Landako guneak eta, horrela, martxan jarri da Azokaren 50. edizioa.
Edizio esanguratsua da aurtengoa, izan ere mende erdia bete baitu Azokak eta hori ospatzeko tamainako esfortzua egin du Gerediaga elkarteak. Hala, inoiz baino eskaintza handiagoa izango dute Durangora gerturatzen direnek.
250 ekitalditik gora antolatu dituzte: kontzertuak, solasaldiak, proiekzioak, umeentzako jarduerak, tailerrak, ikuskizunak eta beste. 249 erakustoki egongo dira, iaz baino lau gehiago, eta stand horietan 350 nobedade aurkeztuko dira. Liburu eta diskoetan gorakada eman bada ere, argitalpen elektronikoetan izan da gorakadarik handiena, aurten 18 nobedade aurkeztuko baitira (iaz lau izan ziren).
Ohi bezala, ikasleen eguna da lehenenego hau, bereziki. Landakoko ateak goizean ireki badituzte ere, inaugurazio ofiziala arratsaldeko 19.00etan egingo dute, San Agustin kultur gunean, Szenatokian, Gerediaga elkarteko eta erakundeetako ordezkariekin, eta kultur sortzaileekin.
Lateralidad, un tema desconocido pero crucial en el aprendizaje de las niñas y niños
PNV ganaría en Bizkaia mientras EH Bildu es la fuerza emergente, según un sondeo foral
Ertzainas acusan a los antifascistas del 12-O de usar «tácticas militares» en Gasteiz
Josu Jon Imaz agradece a Trump que «abra las puertas a una mejor Venezuela»
