64. edizioa ospatuko du Donostiako Zinemaldiak aurten eta, jakitera eman dutenez, Sigourney Weaverrek jasoko du Donostia Saria. 30 urte betetzen ditu sariak aurten, eta hau jasotzen duen hogeigarren emakumea izango da Weaver.
Aurretik ere egona da Donostian, ‘Alien’ pelikula 1979 estreinatzen eta 20 urte beranduago ‘A Map Of The World’ filmarekin. Sariaren bitartez, ibilibide oparoari omenaldia egin nahi izan diote.
Zinemaldiaren Sail Ofizialean, Juan Antonio Bayonaren azken lanaren Europako estreinaldia egingo da, lehiaketaz kanpo: ‘Un monstruo viene a verme’ du izena zuzendari kataluniarraren obra berriak. Eta antzezleen artean dago Weaver bera. Bere ondoan, besteak beste, Felicity Jones, Lewis MacDougall eta Liam Neeson ditu.
Filmaren gala-pasea irailaren 21ean izango da, Kursaal auditoriumean, eta bertan Donostia Saria jasoko du Weaverrek.
Ribera derecha de Burdeos, caladero de ideas para la construcción de viviendas
Ambulancias de Osakidetza, un servicio de camino a urgencias
Una acción de denuncia de la colaboración de CAF con Israel acaba con un detenido en Bilbo
Mikel Zabalza gogoan: «Memoriaren herria gara, ezkutuan gorde nahi dutena argitaratuko duena»
