Zaragozatik esku hutsik itzuliko dira Realeko neskak, 2-1 galdu ondoren. Aukera asko izan dituzten arren, ez dute asmatu txuri-urdinek.

Lehen zatian gizpukoarrak izan dira nagusi jokoan eta Aintzane Encinasek aukera argia izan duen arren, baloia gora joan da. Ondoren, Nahikari Garciak beste aukera bat izan du baina atezainak gelditu du.

Bigarren zatian ere Reala izan da baloiaren jabe, baina Zaragozak izan duen lehen aukera garbian gola egin du 83. minutuan. 91. minutuan bigarrena iritsi da, eta norgehiagokaren azken jokaldian Nahikarik Realaren gol bakarra egin du.