Galiziara bisita egin du Paul Bilbao Kontseiluko idazkari nagusiak eta bertan Marcos Maceira AMESAko lehendakariarekin eta Rosario Alvarez Consello da Cultura Galegako lehendakariordearekin bildu da. Hiruek herrialdeko Parlamentuko presidentea bisitatu dute, eta Bilbaok Protokoloaren ale bat emateko baliatu du zita.
Protokoloa osatzeko prozesua azaltzeaz gain, gogora ekarri du Bilbaok Galiziako Parlamentuak duela hogei urte onartu zuela aho batez Hizkuntza Eskubideen Deklarazio Unibertsala. Hala, eta Kontseiluko informazio iturriek aditzera eman dutenez, interes «handia» erakutsi du Miguel Santalices Vieira Protokoloa jasotzean.
Presidenteari ale bat emateaz gain, Consello da Cultura Galega erakundeak antolatutako jardunaldietan parte hartzeko parada ere izan du Bilbaok, eta Real Academia Galegako lehendakari Vitor Freixansek ere izan du Protokoloaren berri.
Galiziako aurkezpenaz gain, egunotan Bartzelonan garatzen ari diren Hizkuntza Indigenen eta Gutxituen Biltzarrean ere egin du Kontseiluko ordezkariak Protokoloaren aurkezpena. Bide batez, Generalitateko ordezkariekin ere bilera egin zuen Bilbaok iragan astelehenean.
La Fiscalía archiva la denuncia contra el acceso al chalet de Xabi Alonso en Igeldo
Una testigo confirma que Amaya Zabarte recibió una patada de la Ertzaintza
Imputan a tres concejales del PNV de Getxo y tres técnicos por el derribo del palacete
Tortura jasan eta ozen salatu zuen Susana Atxaerandio gasteiztarra zendu da
