Bere ustez, jardunaldi hauek gailur moduko bat dira, besteak beste gaurkotasunari loturiko gaiez eztabaidatu delako. «Europako etorkizunari buruzko eztabdaida garrantzitsuenekoa izan da, baina baita migrazioari, haustura sozialari, industrializaziori eta enpleguari buruzkoak ere».
Josu Juaristiren hitzetan, agerian geratu da ezkerra «momentu honek eskatzen duen mailan dagoela eta alternatiba ere badela». «Indartuak atera gara gailur honetatik», esan du EH Bilduko eurodiputatuak.
Denera hogeita hamar bat eurodiputatuk eta 250etik gora pertsonek hartu dute parte jardunaldi hauetan. Josu Juaristik esan duenez, «sekula ez da horrenbeste jende hurbildu Study Days batzuetara eta sekula ez da horrenbeste eurodiputatu izan Euskal Herrian».
Parte hartze handia
Ildo horretan, EH Bilduko eurodiputatuak Egia auzoko Tabakalera eraikinean egin dituzten eztabaida saio ezberdinetan izan diren Euskal Herriko eta Europako hamabost adituen parte hartzea nabarmendu du. «Balio erantsia eman diote gailur honi», esan du Juaristik.
Atzoko jardunaldian, adibidez, politika fiskala, enplegua sortzeko proposamenei eta industrialaren gainean eztabaidatu zuten Donostian eta Arrasateko eredu kooperatibista zuzenean ezagutzeko parada izan zuten.
La Fiscalía archiva la denuncia contra el acceso al chalet de Xabi Alonso en Igeldo
Una testigo confirma que Amaya Zabarte recibió una patada de la Ertzaintza
Imputan a tres concejales del PNV de Getxo y tres técnicos por el derribo del palacete
Tortura jasan eta ozen salatu zuen Susana Atxaerandio gasteiztarra zendu da
