Behobia-Donostiaren 53. edizioak baditu bere irabazleak, eta ez dira berriak. 2016ko edizioan lez, Carles Castillejo eta Aroa Merino gailendu dira, hurrenez-hurren, kategoria maskulino eta femeninoan.

Hirugarren txapela du jada Castillejok, zeinak 1:00:39 behar izan duen ibilbidea osatzeko. Haren atzetik sartu dira helmugan Camilo Santiago (1:01:31) eta Iraitz Arrospide (1:02:37) lehen euskalduna.

Emakumetan, berriz, 1:11:05 behar izan du Merinok, 1:16:46 Maria Noguerok eta 1:16:56 Dolores Marcok. Maite Arraiza izan da lehenengo emakume gipuzkoarra, 1:17:35 denborarekin.

30.000 atleta inguru espero ziren aurtengo edizioan, bustitik joan den lasterketan. Hala ere, eurijasa handirik egin ez izana lagungarri suertatu zaie korrikalariei. 15º-rekin eta 20 kilometro pasatxo aurretik, irteera mailakatuan atera dira guztiak.

#BehobiaSS -ko irteera ezberdinak pixkanaka badoaz aurrera.
Poco a poco van dándose las diferentes salidas. pic.twitter.com/712IHfxP7V

— Behobia-SanSebastián (@BSS_Fortuna) 12 de noviembre de 2017

Errepide bazterrak, berriz, jendez lepo bete dira 53. edizio honetarako ere. Ohi bezala hamaika bitxikeria utzi ditu 2017ko Behobiak ere, bandera pirata altuan korrikalariak animatzen aritu den ikusle honen kasua adibidez.

Vaya Crack!! Gora piratak!!! #BehobiaSS pic.twitter.com/6LKKp3kBrk

— Behobia-SanSebastián (@BSS_Fortuna) 12 de noviembre de 2017

Lasterketa bera gozamen suerta daiteke batzuentzat –baita ametsgaizto ere–, baina benetako plazera amaieran dator, helmugako marra gainditu ostean.

Gracias a @lukai_eskola los corredores de la @BSS_Fortuna están teniendo la oportunidad de recibir un masaje en las camillas que hemos puesto en nuestro salón. Eskerrik asko equipo y enhorabuena a todos! ‍♂️‍♀️ pic.twitter.com/OyuHVRIT0Y

— Astoria7 Hotel (@Astoria7Hotel) 12 de noviembre de 2017

Osasun zerbitzuek aditzera eman dutenez, ez da zoritxarreko albisterik gaurkoan, nahiz eta batek edo bestek osasun arazo txikiren bat izan.

Lasterketan jarraitzen dugu, momentuz lasaitasunez, oraindaino osasun arreta arinak artatu ditugu. #BehobiaSS pic.twitter.com/Q4njp8dFAZ

— Cruz Roja Gipuzkoa (@CruzRojaGip) 12 de noviembre de 2017

Antolakuntzak emandako datuen arabera, izan eman zuten 30.921 lasterkariren artean 25.486 izan dira martxan abiatu direnak; lasterketa, berriz, 184 korrikalarik soilik utzi behar izan dute.