BM taldearen barruan diren Superberriak izeneko supermerkatuetako 70 langileak ez dituzte kaleratuko, momentuz behintzat, asteazken honetan sindikatuek jakitera emandakoaren arabera.
Amurrio, Laudio, Ugao, Barakaldo eta Bilboko Alde Zaharrean erabaki hori hartua zela zabaldu zuen enpresak irailaren 6an.
Laster eman zuten aurrerapausoa langileek, beren lanpostuen defentsan. LAB eta CCOO dira Superberriak-en ordezkatuta diren sindikatuak, eta horien eskutik lehen greba egun bat eraman zuten aurrera aurreko astean, erabateko jarraipenarekin. Elkarretaratzea egin zuen Bilboko Alde Zaharrean.
Erantzun honen ostean asteartean bilera egin dute enpresak eta langileen ordezkariek, eta horretan jakinarazi du Superberriak kateak erabakia bertan behera uzten duela, negoziazio prozesua abiatzeko.
🔴🔴🔴Las trabajadoras de Superberriak consiguen tumbar el ERE de extinción despues de una semana de huelga indefinida.
— Sortu Aiaraldea (@SortuAiaraldea) September 21, 2022
Batasuna, determinazioa, duintasuna, borroka, eskualdearen babesa...
Mila esker eta zorionak indar erakustaldi berri honengatik!
GORA AIARALDEA!
GORA ZUEK! pic.twitter.com/4rscCTbPBV
Sindikatu hauen ustez, BM Shop-en menpe diren supermerkatu hauek «ondo funtzionatzen dute eta horen seinale da enpresaren erabakiak langilegoarengan, bezeroengan eta auzokideengan eragin duen ustekabea».
LAB: «Ez da hemen amaitzen»
LAB sindikatuak, ohar baten bidez, langileen borroka txalotu du. «Gauza bat argi daukagu: Enpresak EEEa atzera bota badu, gure borroka eta greba mugagabeari beldur diolako izan da».
Hala ere, «lehen helburu hau» lortuta, lana ez dela amaitzen nabarmendu dute. «Enpresaren aktibitatea eta gure lanpostuak mantentzeko konponbideak aztertzeko unea da eta horretarako SuperBerriak zein BM enpresekin harremanetan mantenduko gara».
SuperBerriak enpresak lau BM Shop frankizia ditu, Ugaon, Laudion, Amurrion eta Bilbon. «Lauek ondo funtzionatzen dute eta horren erakusgarri da erabakiak langile, bezero zein auzokideen artean sortu zuen harridura», adierazi du sindikatuak. Hori dela-eta, erantzunkizunez jokatzeko eskatu diote enpresari: «LABek eta CCOOek argi dugu SuperBerriak-ek ardura bat daukala bere langileekiko, eta beraz, jarduera utzi nahi baldin badu, dendentzako eroslea bilatu beharko duela, lanpostu eta langileekiko erantzukizunez jokatuz».
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
