OSAGAIAK (6 lagun)
• Babarrunak (kilo bat)
• Tipula erdia
• Baratxuri bat
• Tomate txiki bat
• Porru erdia
• Gatza
SAKRAMENTUENTZAKO
• Txerri-saiheskia (kilo erdia)
• Aza txiki bat
• 3 txorizo txiki
• Odolki bat
Lehenik eta behin, aukeratzeko garaian, ale txikia izatea komeni dela dio. Behin ale egokiena aurkituta, honako urratsak jarraitu:
• Bezperan uretan beratzen jarri (oso freskoak direnean ezik) eta ura aldatu gabe sutan jarri, kolorea gal ez dezaten.
• Eltze horretan barazkiak bota (tipula, baratxuria, tomatea eta porrua), eta su-txikian egosten jarri, behar adina denbora, gatza bukaera aldera botaz. Amaieran, barazkiak kendu eta irabiatu, berriro babarrunekin nahasturik salda loditzeko.
• Beste osagai guztiak (aza, saiheskia, txorizoa eta odolkia) bakoitza bere aldetik egosi, horrela beganoa denak babarrunak, aza eta piperra jateko aukera izango duelako.
• Saiheskiari, egosi ondoren, labean kolpe bat ematea komeni da, kolore ikusgarria har dezan.
• Aza olio eta baratxuriz prestatutako salteatuarekin lagundu.
• Piperrak gatza eta olioarekin zerbitzatu.
Jateko garaian, kozinatu eta hurrengo egunean jatea komeni da, zapore gehiago eta loditasun handiagoa izan dezan.