Elordi-Zabaletak geldiezinak izaten jarraitzen dute eta laugarren puntua eskuratu dute
Ostiral gau honetan urdinez jantzitako bi pilotariak Urrutikoetxea eta Albisu baino hobeak izan dira Irurtzunen, gehienbat atzelariak oso atzean ipini duelako pilota eta aurrelariak bikain amaitu dituelako partidako 14 tanto.
Aitor Elordik eta Jose Javier Zabaletak laugarren puntua eskuratu dute aurtengo Binakako Txapelketan Irurtzungo Bi Ahizpe pilotalekuan Mikel Urrutikoetxea eta Jon Ander Albisuren kontra jokatutako partidan garaipena lortu ostean (11-22).
Denek ematen zituzten faboritotzat bi pilotari hauek, eta oraingoz ez diete pilotazaleei hutsik egin. Gaur gauean ikusi da zer nolako bikote ona osatzen duten. Bikain defendatzeaz gain –0-4koa horren adibide ona izan da–, aurrelari mallabiarrak tantoak bikain amaitu ditu aurrean, Urrutikoetxeari aukerarik eman gabe, eta 14 tantorekin amaitu du neurketa, denak jokoan –sakez ez du bat ere egin–.
Honi beste faktore garrantzitsu bat gehitu behar zaio: Zabaletaren kolpea. Nafarrak, beste behin, atzean dominatu dio Albisuri eta sekulako zartakoak ikusi ahal izan dira Irurtzungo pilotalekuan. Gehienbat 4-8tik 4-11ra bitarteko tantoetan. Hor, atzelariak oso atzean ipini ditu hiru pilota. Gipuzkoarrak gutxi egin ahal izan du jokaldi horietan, eta urdinek alde egin dute markagailuan.
Egia da Urrutikoetxea bikote gorria partidan mantentzen ahalegindu dela. Bizkaitarrak bost tantorekin –eta sakez beste bi– amaitu du norgehiagoka, horietako batzuk ederrak –1-4koa, adibidez, boleaz egindako bi paretak izan dira–, baina ez da nahikoa izan hirugarren garaipena izango litzatekeena lortzeko.
Izan ere, urdinek espazioak bilatzen eta handituz jarraitu dute, eta Elordik bikain aprobetxatu ditu espazio horiek guztiak min handia egin eta laugarren garaipena eskuratzeko.
PARTIDAKO FITXA:
Urrutikoetxea-Albisu: 11
Elordi-Zabaleta: 22
Pilotakadak: 359. Iraupena: 45:05. Markagailua: 0-4, 3-4, 3-5, 4-5, 4-11, 5-11, 5-14, 6-14, 56-15, 8-15, 8-19, 11-19 eta 11-22. Sakez egindako tantoak: 2 Urrutikoetxeak eta 0 Elordik. Jokoan egindako tantoak: 5 Urrutikoetxeak, 0 Albisuk, 14 Elordik eta 5 Zabaletak. Hutsak: 2 Urrutikoetxeak, 1 Albisuk, 3 Elordik eta 1 Zabaletak. Gertakariak: Giro eta sarrera ona Irurtzungo Bi Ahizpe pilotalekuan Binakako Txapelketako laugarren jardunaldiko partida ikusteko. Lehen sakea urdinentzat.
Modus Operandi taldearen ‘Laztana’ bideoklipa, NAIZen ikusgai primizian
Un documento destapa el intento de Escrivá para la mayor privatización de la Sanidad en décadas
El TAV sepultará los restos de un poblado neolítico y de una calzada romana en Gasteiz
« Troubles bipolaires, près de 10 000 cas au Pays Basque »
Herida muy grave una mujer en Bilbo en un posible ataque machista que se investiga
La falta de inclusión de personas con discapacidad, caldo de cultivo para el bullying
Musk y cientos de expertos llaman a una pausa en los experimentos con inteligencia artificial
Eta hala ez bazan? Ipuinen bitartez mundua eraiki eta deseraiki egin daiteke
