Elizondoko beren egoitzaren atarian astelehen honetan eskainitako prentsaurreko batean, Baztandarren Biltzarra Elkarteko kideek publiko egin dute bestaren ardura uzteko erabakia. Hala, inork ez badu gidaritza hartzen, aurten 60. edizioa duen festa kolokan geldituko da, desagertzeko arriskuan.
Urte hauetan guztietan jasotako laguntza «bihotzez» eskertu eta gero, azaldu dute denbora luzez beren esku hartu dutela bestaren ardura eta «zikloa ixteko tenorea dela» iritsi zaien sentsazioa dutela azpimarratu dute.
Laguntzeko prest
Nolanahi ere, argi utzi nahi izan dute elkartearen gidaritza beste talderen batek hartuko balu, beren laguntza izango duela: «Aholkuak emanez, bidelagun lana egiteko erabat prest gaude. Are gehiago, arras kontent paratuko gara norbaitek segida ematen badio hainbertze urtez gure artean egon den besta eder honi».
«Urte anitz izan dira, arras politak eta aberatsak. Berriz ere, eskerrak eman nahi dizkiegu, 60 urte hauetan, modu batean edo bertzean Elkarteari laguntza eman dioten guztiei. Gure euskarri izan dugun leloak biziarazi gaitu eta hori izan da gure oinarria. Beraz, ardura hau utzi arren, beti harro aldarrikatuko dugu: Baztanen eskuara barra-barra!», gaineratu dute.
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
