Bidasoa Irunek Jakub Sladkowski Poloniako jokalari gaztea fitxatu du hurrengo bi denboraldietarako, eta beste bi luzatzeko aukerarekin. Hala jakinarazi du gaur klubak sare sozialen bitartez. Lehen taldean eta bigarrenean jokatuko du, beharren arabera.
Pibotak 1,97 zentimetroko altuera du, eta 104 kilo pisatzen ditu. Gornik Zabrze Poloniako taldean jokatzen du egun, eta pasa den denboraldian Poloniako ligan lehen taldearekin debuta egin zuen. Poloniako selekzioarekin aritutakoa da junior mailan, eta iaz jokatu zuen Europako txapelketa Montenegron.
🆕 Jakub Sladkowski, fichaje para las dos próximas temporadas con opción a otras dos. Intercalará su participación entre el filial y el primer equipo
— CD Bidasoa Irun (@CDBidasoaIrun) March 8, 2023
ℹ️ https://t.co/WDbyZTavtV#AupaBidasoa 💛💙#ArtalekukoIndarra 🏟🔥#OngiEtorriJakub pic.twitter.com/Xojih2d5Pr
Klubak adierazi duenez, azken urteotan Euskal Herrian «talentu handia» duten jokalariak «hezten» ari dira, eta adibideak jarri dituzte: Gorka Nieto, Eneko Furundarena eta Julen Mujika, besteak beste.
Poloniako jokalari gaztearen fitxaketa, hain justu, norabide horretatik doa: «Sladkowski fitxatzean beste urrats bat eman dugu, eta nazioartean talentu gazteak erakartzeko, eta hona ekartzeko gai garela erakutsi dugu». Lan horretan, klubak «ezinbestekotzat» jo du Julen Aginagalde kirol zuzendariaren lana.
Ranking de alternativas al aceite de oliva, de más saludable a menos
ESK denuncia un despido tras una «actuación racista y denigrante» de la Ertzaintza
Ni más gente ni más ilusión: un partido melancólico
Feijóo defiende a ultranza la Constitución del 78 y pasa factura al PNV por Gipuzkoa
