Gasteizko IKA euskaltegiak eta Eraman Koop garraio kooperatibak akordio egonkorra sinatu berri dute, eta elkarlanean arituko dira aurrerantzean Arabako hiriburuan euskararen erabilera eta garraio jasangarria sustatzeko asmoz.
Horrela, bi elkarteek zerbitzuak emango dizkiote elkarri: euskaltegiak euskara eguneroko jardunean zabaltzen lagunduko dio garraio kooperatibari, eta Eraman Koopek, berriz, laguntza logistikoa eskaintzeaz gain, IKAren irudia txertatuko du bere bizikleta eta garraio kutxetan, ikusgarritasuna emanez.
IKA eta Eraman kooperatibaren arduradunen hitzetan, elkarlanerako aukera hau «balio asko elkarbanatzen» zituztela ikusita sortu zen: «Iruditzen zaigu garraiobide jasangarriak sustatzea eta bertako hizkuntza sustatzea elkarrekin lotuta daudela. Azkenean, gauzak egiteko modu hegemonikoen aurrean, aldarrikatzen dugu badagoela beste bide bat, bertakoa babesten duena, zailagoa akaso, baina guretzat ederragoa eta, denborak erakusten duenez, baliagarriagoa».
Elkarlanean oinarritutako akordioari esker, Eramanek, zerbitzu logistikoak eskaintzeaz gain, IKAren irudia zabalduko du Gasteiz osora, eta, trukean, euskaltegiak euskara eskolak eskainiko dizkie kooperatibako kideei.
Identifican a la navarra María Luisa Eugui entre los fallecidos en el accidente de Adamuz
La Fiscalía archiva la denuncia contra el acceso al chalet de Xabi Alonso en Igeldo
Una testigo confirma que Amaya Zabarte recibió una patada de la Ertzaintza
Imputan a tres concejales del PNV de Getxo y tres técnicos por el derribo del palacete
