Gripeak jota, Alvaro Djalo Athleticeko aurrelaria Getaferen aurka ostegun gauean jokatzeko deialditik at laga du Ernesto Valverdek, Iñaki eta Nico Williams anaiekin batera. Ondorioz, aipatu hiru jokalariek ez dute Madrilera 10.45etan Loiutik atera den hegaldian bidaiatu.
Aldiz, Alavesen aurkako euskal derbian ez bezala, Gorosabel, Berenguer eta Prados deialdira itzuli ahal izan dira. Arrasateko atzelaria eta aurrelari nafarrak txartel pilaketagatik partida bateko zigorra bete behar izan zuten pasa den jardunaldian eta, berriz, Pradosek Manchester Uniteden aurka kolpea jaso zuen Old Trafforden jokaturiko neurketan eta ordutik jokatu ezinik zebilen.
Djalo eta Williams anaiez gain, Alavesen aurka hasierako hamaikakoan aritu zen Aingeru Olabarrieta zein Endika Bujan ere deialditik at geratu dira, biak ala biak bigarren taldeko jokalariak; ez hala Alejandro Rego erdilaria. Bestalde, Iker Varela hegalekoa ere 23 bidaiarien artean sartu du Valverdek, Alavesen aurka deialditik kanpo geratu ostean.
Ondorioz, honako 23 jokalariak eraman ditu entrenatzaile zuri-gorriak Getafeko Alfonso Perez Coliseumean jokatzeko: Unai Simon; De Marcos, Vivian, Paredes, Adama; Galarreta, Vesga; Berenguer, Sancet, Unai Gomez; Guruzeta; Agirrezabala; Gorosabel, Lekue, Yeray, Unai Nuñez, Yuri, Jauregizar, Prados, Canales, Sannadi, Rego eta Varela.
Pello Reparaz y Amaia Romero, juntos como ‘dantzaris’ en el último mural de LKN en Madrid
Evacuados los pasajeros del Metro en Leioa tras explotar la batería de un móvil
Fallece la jueza Ángela Murillo, protagonista de varios juicios contra la izquierda abertzale
«Las pantallas están agravando las enfermedades mentales y haciéndolas más comunes»
