EHNE sindikatuak ohartarazi duenez, Nafarroako nekazariek 28 milioi euro galduko dituzte «aparteko» uzta honetan.

Nafarroako zerealaren berehalako uztari buruz argitaratutako informazioen aurrean, «non aipatzen den 930.000 tonako kopurura iritsiko garela, salbuespenezkotzat joz estimazioen arabera», EHNE-Nafarroak ñabardura batzuk egin ditu «tonu baikor horren inguruan, ez baitio errealitateari erantzuten jarraian xehatuko ditugun hainbat arrazoiengatik».

«Egia esan, ezohiko uzta horrek prezio barregarriak ekarriko ditu, gure sindikatuaren ustez, ekoizpen-kostuen azpitik, beraz, Elikatze Katearen Legea urratuz», gaineratu du, eta «kontua oso erraza» dela nabarmendu du. 

«Garagarraren prezioa tona bakoitzeko 180 euro ingurukoa bada eta kostuak 210 badira, 30 euroko galera izango dugu. Gariaren kasuan, ia egoera bera gertatzen da. Aurreikusten diren prezioak 200 euro ingurukoak dira; kostuak, berriz, 240 eurokoak; beraz, galerak 40 eurokoak izango lirateke tona bakoitzeko. Zifra horiek estrapolatuz eta Nafarroan aurreikusitako 930.000 tona zereal bilduko direla suposatuz, nekazarien kontuetan gutxienez 27,9 milioi euroko balantze negatiboaz hitz egiten ari gara», dio.

Sindikatuaren esanetan, «eskaintza eta eskariaren dualtasun sakratuarekin etengabe bonbardatzen gaituzte, eta horrek zereal gehiago eta prezio txikiagoa suposatzen du sektorearentzat, gaur egun hain modan dauden muga-zerga horiez gain». 

Ukrainako gerra

Eta Errusia eta Ukraina protagonista dituen gatazkarekin zerikusi zuzena duten arazoak aipatu ditu.
Izan ere, alde batetik, Europar Batasunak Errusiako eta Bielorrusiako ongarrien muga-zergak igotzea onartu du, 2025erako tona bakoitzeko 40 euro, eta 2028rako 430 euroraino iristeraino. «Neurri horrek eragin zuzena izango du sektorean eta ekoizpen-kostuak ezin ditu sektoreak bere gain hartu».

«Horri gehitu behar zaio Ukraina 2030ean erakunde horretako (EB) eskubide osoko kide izateko aukera izango duela, gero eta indar handiagoa hartzen ari den zurrumurruei kasu egiten badiogu. Horrek Europako gainerako zerealisten hilzoria ekar lezake», azpimarratu du.

EHNEren esanetan, «Europa mailako bi erabaki hauek, makropolitikako gerra-testuinguruan hartzen direnak, gure zereal-sektorean eragin zuzena izango dute. Eta Estatuko nekazaritza-sindikatuek, horien artean COAG eta EHNEk, Luis Planas Nekazaritza, Arrantza eta Elikadura ministroari Ukrainako zerealaren inportazioak mugatzeko eta sektorerako premiazko laguntzak aktibatzeko eskaera luzatu diote».

Hala, gari bigunaren sarrera zazpi aldiz biderkatu dela adierazi dute, «merkatuak larriki desitxuratuz» eta landa eremua «truke-moneta geopolitiko gisa erabiliz» . «Dagoeneko jarduten ez bada, milaka ustiategi desagertuko dira datozen hilabeteetan, prezioak jatorrian behera egingo dutelako eta kostuak etengabe igoko direlako», ohartarazi dute.

«Sindikatuok Ukrainarekiko merkataritza-akordioa berehala berrikusteko eskatzen dugu. Horretarako, garia eta garagarra sartzeko mugak ezartzea beharrezkoa da, Europako ekoizlearen biziraupena ahalbidetzeko, Espainiako zerealistentzako berariazko laguntza-lerro bat abian jarri, Europako beste herrialde batzuetan egin den bezala, eta zuzeneko laguntza bat aktibatzea ongarrien gainkostua konpentsatzeko, kanpaina honetan erositakoak barne, baita muga-zergek eta nekazariak itotzen ari diren beste kostu batzuek eragindako prezio-igoera neurrigabea arintzeko ere nekazariak ito larrian bait dira».

Elikadura Katearen Legea

Era berean, EHNEk Elikadura Katearen Legea betetzeko eskatu du, gutxieneko prezioak nekazari bakoitzaren ekoizpen-kostuak baino handiagoak bermatuz. «Gure produktuengatik bidezko prezioa defendatzea da hondamenditik salbatuko gaituen gauza bakarra».

«Horretarako, gure sindikatuko ordezkaritza batek parte hartuko du bihar, ekainak 4, asteazkena, hainbat nekazari-elkarteekin batera, COAG tarteko, 12.00etan Nekazaritza Ministerioaren aurrean deitu duten kontzentrazioan, ‘Cosechamos en números rojos’ lelopean».