Harreman anbiguoak eta pertsonek esaten eta egiten dugunaren arteko aldeak aztertzen dituen filma da ‘Matt and Mara’ (‘Matt y Mara’).

Kanaria Handiko Las Palmaseko Zinemaldian film onenaren saria irabazi zuen iaz eta epaimahaikideek «zuzendariak harreman sakon, konplexu eta unibertsalen arazoak eta egoerak pantailara eramateko duen gaitasuna»  goraipatu zuten, baita «aktoreen zuzendaritza» eta “gidoi bikain eta garrantzitsua” ere.

Ezusteko topaketa baten ondoren, Mara irakasle gazteak Matt ezagutuko du. Bien interesak bat eginda, bien arteko harremana estutzen hasiko da. Aldi berean, Marak musikari esperimental batekin duen ezkontza gatazkatsua kudeatu beharko du. 

Kazik Radwanski kanadarrak zuzenduta, ‘Matt and Mara’ (‘Matt y Mara’). laguntasunaren, erakarpenaren eta konpromisoaren arteko muga lausoen esplorazio sotil eta barnekoia da.