Asteburuko bigarren bandera eskuratu du Urdaibaik

Asteburuko bigarren bandera erdietsi dute «Bou Bizkaia» traineruko mutilek, Boiron irabazita. Modu honetan, oraino Hondarribiak manetzen duen San Miguel ligako lidertzara gerturatu dira.

Erakustaldia eman eta asteburuko bigarren bandera irabazi du Urdaibaik, Boiroko uretan. Garaipenak gaur-gaurkoz Hondarribiaren eskuetan jarraitzen duen San Miguel Ligako lidertzara gerturatzeko balio die «Bou Bizkaia»-ko arraunlariei.

Eguneko beste irabazlea Cabo izan da, estropadan hirugarren egitea lortu baitu. Tiranek, aldiz, huts egin du, zortzigarren amaituz.

Boiroko banderaren sailkapena:

1.- Urdaibai

2.- Hondarribia

3.- Cabo

4.- Astillero

5.- San Juan

6.- Orio

7.- Kaiku

8.- Tiran

9.- Zierbena

10.- San Pedro

11.- Zumaia

12.- Portugalete