Iktusa «XXI. mendeko izurritea» da, aurrerapauso handiak eman diren arren

Nahiz eta gaixotasunaren prebentzioan aurrerapauso handiak eman diren, iktusak goranzko joera nabarmen eta jarraitua erakusten du. Izan ere, batzuek diote «XXI. mendeko izurrite bat» dela, mendebaldeko biztanleriaren zahartzea dela eta.

Prozesua hasten denetik igarotzen den minutu bakoitzeko burmuina kaltetzen doa era progresiboan, eta horrek diagnostiko azkar batez gain, kalteak konpontzen dituen tratamendu eraginkor bat eskatzen du.

Gaiaren inguruan mintzatzeko, Bilboko Achucarro Zentroak hitzaldia eskainiko du gaur, 19.00etan Bidebarrieta Kulturgunean. Jose Castillo Sanchez Neurologian katedradunak kalte neurologiko honen arlo nagusiez mintzatuko da, gaitza hobeto ezagutzeko aukera emateko.