Kutxabankek eta Adegik bi erakundeen arteko lankidetza hitzarmena berritu zuten atzo enpresen lehiakortasuna indartzeko eta dituzten finantza behar larrienei erantzuna emateko.

Akordioan jasoa denez, besteak beste, enpresen kudeatzaile sare berezia jarriko du euskal finantza taldeak Adegiko kide diren enpresen esku, bai eta enpresentzat espresuki sortutako produktu eta finantza zerbitzu bilduma zabala ere.

Halaber, urtero Gipuzkoako enpresa ehunari zuzendutako hitzaldi edo jardunaldiak antolatzeko oinarriak jarri ditu, egunerokotasunari lotuta enpresarientzat baliagarriak diren gaiak aztertzeko asmoz.