Irakaskuntza publikoko irakasleen aurkako murrizketa politikak aldarazteko eskatu dute Steilas, LAB eta ELA sindikatuek, eta Lakuako «Hezkuntza Sailak bide honetan pausorik ematen ez duen heinean» otsailaren 16an mobilizazioak abiatuko dituzte.

Sindikatuen arabera, Lakuak ez ditu bere lehentasunen artean ez hezkuntza sistemaren kalitatea, ez lan baldintzen duintasuna. Salatzen dutenez, aurrekontuaren %3,6 baino ez du bideratzen hezkuntzara eta 2009tik 222 milioi eurotan murriztu du aurrekontua. Horren aurrean, hezkuntza politika aldatu eta inbertsioa handitzeko eskatzen diote.