Azpeitiko Soreasu antzokian egingo da larunbatean San Jose eguneko Trikiti Jaialdia. Euskal Herriko Trikitixa Elkarteak eta Azpeitiko Udalak elkarlanean antolatuta, aurten, trikiti eta panderoarekin uztartuta bestelako musika-tresnak ikusteko aukera izango dute bertaratzen direnek. Hala nola, soinu handia, txistua, metalezko haize-instrumentuak, biolina, gitarra eta beste hainbat.

Larunbateko jaialdian ondorengo musikariak arituko dira: Aitor Furundarena, Garikoitz Mendizabal eta Imanol Urkizu; Huntza taldea; Haize-T taldea; Landatarrak; Ametsak Margotuz taldea; Juan Mari Beltran, Errege Belda eta Andoitz Antzizar; eta Koldo Iparragirre eta Igor Arostegi.

Sarrerak salgai daude Azpeitiko Pastorkua, Berdie eta Mendizabal tabernetan eta Azkoitiko Itxidro erretegian; trikitixa@trikitixa.net orrian eta 943-832828 telefonoan ere erreserba daitezke.