Hura bidelagun izan zuten senide, adiskide, lankide eta herritarrek agur esan zioten atzo Hasier Etxeberriari. Elgoibarko Kalegoen plaza txiki geratu zen bertan egindako ekitaldi zibila hartzeko. Une bereziak eta hunkigarriak bizi izan ziren atzo arratsaldez. Minbiziak eraman du Etxeberria, bizitza literaturari eta kazetaritzari eskaini ondoren. Ez da ekitaldi bakarra izango. Elgoibartarrak berak jakinarazi zien gertukoenei nolako agurra nahi zuen eta datozen egunetan elkartuko dira «lagunarteko despedida polit» baten inguruan. Gorka RUBIO | A. PRESS