Paueko trinketean jokatuko da gaur gauean Berezkoen Binakako Lehen Mailako neurketa. Hau izango da, gainera, azkeneko jardunaldiko aurreneko partida. Larralde eta Bilbao Waltariren eta Gixanduten aurka neurtuko dira. Biarnoko hiriburuko jaialdia 19.30ean hasiko da, eta txapelketakoa bigarren partida izango da. Larraldek eta Bilbaok finalerdiak zuzenean jokatzeko txartela segurtatuta daukate, baina aurkariek horretarako garaipena behar dute. Waltarik eta Gixandutek ez badute irabazten, kanporaketa jokatu beharko dute.