Maika Ariztegi eta Fernando Etxegarai izan ziren atzo Euskal Herriko lokotx-biltzeko txapela jantzi zuten bi kirolariak. Aurrenekoak, emakumezkoetan lortu zuen saria, eta bigarrenak, mutiletan. Biak ere nafarrak dira, izan ere bi mailetan Nafarroak, Bizkaiak eta Arabak baino ez zuten izan ordezkaririk, gainerako herrialdeetako inork ez baitzuen izenik eman.

Maika Ariztegik, 7 minutu eta 36 segundo behar izan zituen lan guztiak burutu ahal izateko. Atzetik, Onaindia (8.02), Arruti (8.11), Etxebarria (8.13) eta Frutos (8.31), sailkatu ziren. Mutiletan Fernando Etxegaraik 6 minutu eta 26 segundo behar izan zituen bere lan guztiak burutzeko. Atzetik, Martin (6.48), Lasaga (6.51), Ruiz (7.05), Gomez (7.07) eta Lopez (7.33) sailkatu ziren.

Kirolari bakoitzak 1,25 metrora eta bi lerrotan jarritako 50 lokotx batu behar zituen. Larrabetzuko final honetan jendeak erantzun zuen lehiaketa ikusgarri hau ikustera joanda, eta ikusitako markak onak izan ziren.