Areatzako udal areto nagusian jokatuko da gaur Udabarriko Faseko saioa. 17.30ean da hitzordua eta Ander Ucelay, Asier Alcedo, Garikoitz Sarriugarte, Markel Baroja, Naroa Torralba eta Xabier Iturraspe arituko dira, Zihara Enbeitaren esanetara.

Bihar Erandion izango da saioa, Astrabuduko Josu Murueta kultur etxean. Beñat Bilbaok, Eneko Barruetabeñak, Galder Bilbaok, Imanol Arrutiak, Julen Erezumak eta Paule Ixiarrek abestuko dute. Itxaro Juaristi izango da gai-jartzailea.

Ander Ucelayk, Asier Alcedok, Markel Barojak, Naroa Torralbak, Xabier Iturraspek, Beñat Bilbaok eta Eneko Barruetabeñak lehen aldiz parte hartuko dute txapelketan.