Pobesen jokatu ziren atzo Label Saria Urrezko Aizkolarien Kopa eta Gabonetako Harri Jasotzaile Txapelketako ekitaldi berri bat. Aizkolarien artean, Oier Kañamares izan zen garailea, 34.20ko denborarekin. Joxean Etxeberriak suerte handirik ez zuen izan (34.24) eta Xabier Zalduak 41.19ko denbora egin zuen. Horrela ba, Oier Kañamaresek, lau segundo gutxiago eginez, maila bat gorago neurtzeko urratsa eman zuen.

Harri jasotzen, berriz, Jon Iraiñetak 63 jasoaldi emanez hartu zuen mendean Josetxu Urrutia (62 jasoaldi). 100 kiloko zilindro zaharra, 100 kiloko kubika eta pisu bereko harri borobila erabili zituzten.

Izarran, Salud Buenok irabazi zuen Emakume Harri-zulatzaileen Banakako Txapelketa, 3 zulo eta 1,2 hondar eginez.

Eta Zizurkilen ospatutako Gipuzkoako Harri Astun Txapelketan, Aimar Irigoien izan zen txapeldun, guztira 5.875 kilo jasoz. 200 kiloko koadroa, 175 kiloko kopa, 150 kiloko kubika eta 125 kiloko borobila erabili zituzten.