A. O.
Aizkora

Urrezko Banakakoaren kanporaketa, bihar Ubiden

Bihar jokatuko da Urrezko Banakako Aizkolarien bigarren jardunaldia eta 12 aizkolari neurtuko dira 18.00etatik aurrera, Ubiden. Lehen jardunaldian Xuban Kañamares eta Julen Alberdik egin zuten aurrera. Ubideko saioan, hauetatik bik lortuko dute sailkatzea: Jose Maria Benito (Valsain, Segovia), Hermenegildo Herreiro (San Rafael, Segovia), Beñat Lekue (Larrabetzu), Daniel Lopez (Carreño, Asturias), Esteban Muñiz (Carreño, Asturias), David Naredo (Sariego, Asturias), Aritz Oregi (Larrabetzu), Luis Polanco (Otxandio), Fermin Santamaria (Guriezo, Kantabria), Eneko Saralegi (Errazkin), Xabier Garcia (Lemoa) eta Ioritz Gisasola (Mallabia).