Galtzeko arriskuan dauden jaguarrek eginkizun garrantzitsua dute bizileku dituzten ekosistemetan. Harrapariak izaki, desagertzen direnean, gainerako fauna eta flora bera ere deskontrolatu egiten dira. Ezinbesteko katebegi dira, beraz. Horretaz jabetuta, Latinoamerikako toki askotan felido hauentzako babeslekuak ugaritu egin dira azken urteotan, espezieaz ikasi eta harekin gozatzeko, baina, batez ere, hura zaintzeko. Lerroon gainean, esaterako, Mata Ciliar elkarte kontserbazionista brasildarrak zaintzen duen Potira jaguar emea ikus dezakezue, begietako infekzio bat artatzen dioten bitartean. Animaliak (ere) babestu ezean, etorkizun latza dator.

Argazkia: Carl DE SOUZA | AFP