Tafallak Etxarri Aranatzi eman zion atzo hurrengo Nafarroa Oinez antolatzeko lekukoa. Euskarak bultzada Nafarroa osoan behar duela azaldu zuten, eta ez Erdialdean soilik. Izan ere, Sakanan euskararen erabilera gero eta urriagoa dela sumatzen dute, eta «euskararen arnasguneak bizkortzeko» xedez antolatuko dute festa. Bozgorailu bat da logotipoa eta “Hotsein!”, leloa. Bi esanahi ditu hots egin-ek Sakanako hizkeretan: «zarata egin» eta «deitu» edo «aldarrikatu». Eta bi esanahiak baliatu nahi izan dituzte: euskararen zarata txoko guztietara zabaldu eta arnasguneei dei egin.

Iñigo URIZ | FOKU