Donostiako Metroaren eraikuntza lanek Zubieta kaleko 1-E zenbakiko eraikinean eragindako ezegonkortze estrukturalaren larritasuna salatu zuen atzo Satorralaia bizilagunen mugimenduak. Aldameneko argazkian ikus daiteke obrek etxebizitzan eragindako arrakala handia. Ez da metroaren lanek alderdi horretan eragin duten lehen ezbeharra. 2020ko ekainean lur-jausi bat gertatu zen 8. zenbakiko sotoan; urte bereko azaroan, bi metro inguruko diametroa zuen zulo bat sortu zen galtzadan, eta beste zulo bat agertu zen hilabete batzuk geroago, 2021eko maiatzean. Arriskuen gainetik, lanek aurrera jarraitzen dute inork behar ez duen metro zati batekin.