Iruñetik igaro ondoren, atzo Donostiako Antzoki Zaharrean bi saiorekin despeditu zen “Nekatutak” ikuskizuna. Bi urtez Euskal Herrian barrena ibili da Antton Telleria umorista, bakarrizketa egiten. Saio horietan guztietan ez omen da ertzain bakar bat izan eta, aldiz, hamaika irakaslek jasan dituzte tolosarraren ziztadak. Norbait «HETA» izeneko whatsapp talde batera gonbidatzen badute, bitan pentsatzeko iradoki zuen Telleriak agurrean. Irri egitearen aldeko manifestua izan da ikuskizuna, denon osasun mentalaren aldeko ekimen ez guztiz altruista bat. Gorka RUBIO I FOKU