”Uda bateko besarkada” lelopean abian jarri dute aurtengo Oporrak Bakean ekimena. Urte honetan antolatzaileek Mendebaldeko Saharako 300 haur ekarri nahi dituzte Euskal Herrira. Izan ere, behar-beharrezkoa dute saharar errefuxiatu kanpamentuetatik gutxienez bi hilabetez irtetea, haurrak udako baldintza gogorretatik aldentzeko, haien osasun egoera hobetzeko, oinarrizko osasun azterketak egiteko eta haurrei beste kultura, hizkuntza edo errealitate bat ezagutzeko aukera eskaintzeko. Antolatzaileak harrera familia bila ari dira.