Astelehenetik astearterako gauean sute bat piztu zen Ciudad Juarezko Immigrazio Institutu Nazionalaren eraikin batean. Han atxikita zeuden 38 migratzaile gutxienez hil zituen suak, gehienak Venezuelakoak. Mexikoko Gobernuak tragediaren errua migranteei egotzi zien; segurtasun-kamerek erakutsi dutenez, ostera, hiru zaindarik sua ikusi eta ez zuten ezer egin, eta horrek are gehiago sumindu ditu biktimen kideak eta lagunak. Atzo, gaubeila egin zuten hildakoen omenez eta justizia eskatzeko.