Itsasoa oldartzen denean arriskua eta edertasuna eskutik helduta ibiltzen dira, espektakulu oso bizia sortuz. Eta horren adibideak izan ditugu gure kostaldean azken bi egunetan. Giro goxo eta beroa lurrean eta marea biziak eta olatu handiak uretan. Marea biziak zirela eta, alerta horia piztu zuten ostiral arratsaldean, bostetatik seietara, eta atzo, bostetatik zazpietara. Itsasgoretan bost metroko mareak eta metro bateko olatuak altxatu ziren. Ura harrotuta ikusteko aukera paregabea, bizi eta indartsu; edertasuna eta arriskua bat eginda. Irudian, Pasaia.