NBAk gau liluragarriak uzten dizkigu noiz edo noiz. Astelehenekoa magikoa izan zen. Bi piboten jardunaldia izan zen, tamalez haien artean oso gaizki konpontzen direnak. Joel Embiid kamerundar jatorria duen estatubatuarraren (70 puntu) eta Karl-Anthony Towns dominikar jatorria duen herrikidearen (62) artean 132 puntu batu zituzten. Hori gutxi ez eta Kobe Bryant zenak 2006an 81 puntu sartu zitueneko urteurrena betetzen zen. Dena biribil atera zen Embiidentzat, ez, ordea, Townsentzat: luzapenerako jaurtiketa huts eginda, partida galdu zuen.