«Noski, inoiz ez dut pentsatzen balentria bat egin dezakedala jokatzen ari naizen bitartean». Badira jada urte batzuk saskibaloizale eta, oro har, kirolzale guztien begiak LeBron Jamesengan jarriak daudela. Jokalariak Abdul-Jabbarren marka haustea denbora kontua zen: iaz gainditu zuen 38.387 puntuen langa. Azken 17 urteetan, 1.204 partidatan erreskadan, 10 puntu baino gehiago egin ditu eta asteburu honetan, beste 26 eginda, 40.000 punturaino iritsi da, harrapaezina dirudien marka ezarrita. Ezohikoa ohiko bilakatu du; bere errekorrez hitz egitea arrunt bihurtzeraino.