Kirola, bere oinarrian, emaitzez harago doan praktika bat da, edo hala beharko luke izan. Ariketa fisikoa egiteko, bai eta hezkuntzarako ere, erreminta egokia da, ondo erabiltzen bada. Bide horretan, inklusioaren borroka dago, eta pilota eredu bilakatzen ari da. Atzo, Zarautzen, Master Cupeko Irekiaren final handiak jokatu ziren, eta Aritzbatalde pilotalekuak ortzi-muga argitu zuen, beste hazi bat erein zen. Arakistain-Sagarmendik irabazi zuten adimen urritasun mailako txapela, eta Senperena-De Anta nagusitu ziren urritasun fisikoaren mailan.