Itziar Lakak jasoko du 2024ko Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria. Euskararen eta elebitasunaren gaineko ikerketaren bitartez euskararen eta Euskal Herriko garapen zientifiko eta kulturalari egin dion ekarpena aitortu diote horrela. Epaimahaiak honakoa nabarmendu du: «Eredu handia izan da, gazteen artean ere, euskara goreneko maila zientifikoan jarriz, metodologia berriak baliatuz, punta-puntako ikerketekin landuz, egun berebiziko garrantzia duten alorrak jorratuz».