Bilboko Alde Zaharreko Korrika batzordeak atzo salatu zuenez, kalean egindako ekimen batengatik 1.500 euroko isuna ezarri dio Bilboko Udalak, arau-hauste oso larria leporatuta. Korrikaren harira auzoa pankarta eta banderinez apaintzea eta horretarako baimenik eskatu ez izana da delitua. Batzordeak arrazoi guztiarekin salatu zuen bezala, ekitaldi handiak beso zabalik hartzen dituen hirian, ez da bidezkoa euskararen aldeko herri ekimen xumeen aurkako jazarpen ekonomikoa.