Mediterraneo erdialdean 33 pertsona erreskatatu zituen “Aita Mari” ontziak atzo. Italiako agintariek Salerno portua izendatu zuten lehorreratze puntua, nahiz eta gertuago beste portu seguru batzuk egon. Erreskatatutako pertsonak «nekatuta eta urduri» zeuden, “Aita Mari”-ko ordezkariek jakinarazi zutenez. Hara bihar goizean iristea aurreikusten dute. Hilaren 19an beste 53 pertsona salbatu zituzten. “Aita Mari” itsasontziko boluntarioen lana txalotzekoa da. Bada garaia Europar Batasunak behingoz bere mugak irekitzeko.