Hatortxu Rock jaialdiak bere 29. edizioa ospatu zuen Atarrabian larunbatean eta, iragarri duenez, hurrengoa, azkena izango dena, 2025eko uztailaren 24tik 27ra Lakuntzan izango da. 1999an martxan jarri zenetik, 25 urtez milaka dira antolaketan edota txandetan parte hartu duten boluntarioak eta, zentzu horretan, dispertsioaren amaiera aldarrikatzen duen ekimenak ez du parekorik. Hatortxuk agur esango badu ere, larunbateko jaialdiko ekitaldian adierazi zuten lanean jarraituko dutela «den-denak aske izan arte».