Mendeetan zehar gertatutako gatazka handietan espioitza kasu harrigarriak ezagutu dira. Horiek, ezagunak direnak, historiaren parte dira. Azken urteotan Herrialde Katalanetan eta Madrilen ezagutzera emandako polizia-infiltrazio kasuen testuingurua, ordea, ez da potentzien arteko talka bat, bere burua demokratikotzat duen Estatu bat baizik. Infiltrazioen helburuek politikoki garrantzirik gabekoak ematen badute ere, azalpen bakarra dute: etor litezkeen krisi politikoei irtenbide errepresiboa, eta ez demokratikoa, eman nahia.