Eukene Larrartek laugarren aldiz irabazi zuen pistako txirrindularitzako Espainiako txapelketa, Omnium kategorian. Tolosarrak bere sasoi ona berretsi zuen Galapagarreko belodromoan eta bigarren aldiz jarraian irabazi du urrezko domina. Pozez eta ikurrina eskuartean zuela ospatu zuen garaipena. 2023an Europako txapelketan zilarrezko domina irabazi zuen. Eta iaz Olinpiar Jokoetatik gutxigatik kanpoan geratzea kolpe gogorra izan zen gipuzkoarrarentzat. Egunez eguneko helburu txikiekin, berriz ere disfrutatzen dabil bizikleta gainean.