Asia ekialdeko uhartean azken hiru hamarkadetako suterik larriena bizitzen ari dira. Aurreko asteazkenean piztu zenetik, 2.100 hektarea baso erre, pertsona bat hil, 84 etxe suntsitu eta milaka pertsonaren ebakuazioa eragin ditu. Euri faltak eta haizeteak itzaltze lanak zaildu dituzte, eta sua gehiago zabaldu. Japoniarentzat ere urterik beroena izan da 2024a, erregistroak daudenetik. Aldaketa klimatikoak baso suteen arriskua areagotu du, eta Grezian, AEBn eta beste zenbait herritan sute ikaragarriak piztu dira azken urteotan.