Basel Adra zinemagile palestinarrak, “No other land” filmaren zuzendarietako batek, berriki Oscar sari bat irabazitakoak, Ukrainako gerra eta Gazako genozidioari begira Europako Batasunak darabiltzan bi neurriak salatu zituen atzo Europako Parlamentuan eskainitako prentsaurrekoan. «Nazioarteko Zuzenbideak ez du ezertxo ere axola», adierazi zuen, gaineratuz ez dela gaitzespenetarako garaia: «Kolonoek, soldaduek eta Poliziak egunero krimenak egiten dituzte. Eta Nazioarteko Eskubidea aplikatuz, amaiera eman behar zaie».