Aurten ere, eta dagoeneko 35 dira, Bardea entrenamendu militarrerako gune gisa erabiltzearen aurkako martxa egin zuen Poligonoaren Aurkako Asanbladak atzo, dozenaka alderdi, sindikatu eta kolektibo sozialen babesarekin. Bardeako Parke Naturala Biosferaren Erreserba izendatu zuten duela 25 urte, eta oraindik ere tiro poligono gisa erabiltzen da. Batzarrak gogorarazi zuen hitzarmena hiru urte barru amaituko dela, eta, irizpide «etikoak, ingurumenekoak eta segurtasunekoak» kontuan hartuta, ez berritzeko eskatu zuen.