Zaporeak elkarteak 10.000 pintxo solidario banatuko ditu ekainaren 15ean Donostiako Intxaurrondo auzunean ospatuko duen Koxk jaialdian. Zaporeak elkarteak atzo gogoratu zuenez, 2015ean sortu zen, Siriako gerratik eratorritako pertsona errefuxiatuen uholdea Greziara iristen ari zelako arduraturik, sei hilabetez laguntzeko ideiarekin. Gaur-gaurkoz 10 urte daramatza Greziako irletako kanpalekuetan janaria banatzen. Guztira, 10 milioi otordu eman ditu dagoeneko. Ezinbestekoak, denak.