AEBetako Immigrazio eta Aduanen Kontrolerako Zerbitzuko (ICE) polizia batek migratzaile mexikar bat hil zuen tiroz Chicagoko aldiri batean iragan ostiralean. Segurtasun Nazionaleko Departamentuak esan zuenez, gizona poliziei oldartu zitzaien bere autoarekin. Mexikoko Kanpo Harremanetarako Idazkaritzak gertaera argitzeko ikerketa abiatzeko eskatu zuen, baita Chicagoko alkateak ere. Agintari estatubatuarren ustez, aldiz, argi dago: «Ausarkeriaz gidatzearen aurrekariak zituen legez kanpoko atzerritar kriminala» zen.