Lakuak aditzera eman duenez, “National Geographic” aldizkariak 2026. urtean «bisitatzeko ezinbesteko 25 helmugetako bat» izendatu du Euskal Herria. Ingurune naturalarekin, kulturarekin eta tokiko biztanlearekin lotura azkarra sortzea xede dituzten «bidaia esperientziak» nabarmendu ditu “Best of the world” izeneko zerrendan. Ongi dago “National Geographic” bezalako irismen handiko aldizkari batek gure herri txikia mapan kokatzea, baina halaber egia da turismoak, behar izatekotan, mugak behar dituela.