Neguko ekaitz bortitzen ondorioz, Gazako errefuxiatuen kanpalekuetan dozenaka kanpin-denda urez bete dira, eta euriak eta hotzak jada nahikoa prekarioa zen egoera larritu dute. Atzo emakume bat eta 7 urteko haur bat hil ziren ekaitzen ondorioz. Unrwako zuzendariak salatu duenez, beharrezkoa den laguntza sartzea eragozten ari dira, eta gazatarrek etxe mugikorrak eskatu dituzte segurtasunez bizitzeko. Mendebaldeko gobernuen konplizitatearekin, Israel Gazako populazioaren biziraupena oztopatzen ari da.